NYIMBO CIA IBUKU 165 - 189

  JEHOVA NGAI WA IGURU   1.  Jehova Ngai wa iguru.  Igua gukaya kwa nduriri.  Ikienda guka kuu iguru.  Kuu we uturaga.    2.  Nimakiigue watho wakwa  Nanii ningumaigua.  Nigukorwo ninjugite.  Ndiri hamwe na irimu.     3.  Kiigue watho wa Roho,  Ucio ndimuhete  Na nii ningumuhe maitho,  Ma ngoro ma kwirorera     4.  Nuundu ni kuri aingi,  Mekuga niete.  Nao matigatonya kuo,  Ni undu matikuonaga.    5.  Kiiguei watho wa Roho,  Ucio muri naguo  Ni gukoruo amwerekeirie  Guku nii njikaraga.  (Amina)

  NGAI NIENDAGA CIANA CIAKE   1.  Ngai niendaga ciana ciake,  Cia aanake na airitu.  Marutage wira wake,  Hamwe na andu aria akuru.     2.  Nguria niagacoka Mwathani witu?  Akore uremi  Nguria niagacoka Mwathani witu?  Akore uremi     3.  Nikuri maundu maingi,  Maria mari guku thi  Magiragia andu aria anyinyi,  Menengere Mwathani     4.  Miago ya thi nithiraga,  Kana ikarehe kieha.  No gikeno kia Mwathani  Ni gia tene na tene.     5.  Inyui akuru na inyui anyinyi  Aria mwihokete Ngai.  Hoyagirai andu aria angi  Menengere Mwathani.     6.  Inyui anyinyi na inyui akuru  Aria mwihokete Ngai.  Gocithagiai Mwathani wanyu  Kuri andu othe a thi.  (Amina)

  NINJUI O WEGA NDI RUGENDO-INI   1.  Ninjui o wega ndi rugendo-ini,  Rwa guthii matu-ini ndingihuruka  Tondu thi-ino yothe ndiri na igai,  Ciothe cia thi-ino no ciaguthira.     2.  Maitho ma mwiri meroragira,  Moriru ma thi ino ngoro ikagega.  Meciria ma mundu makehenagia,  Gutonya ikenero niundu wa tuhu.     3.  Maundu no meri gikuu na muoyo,  Gikuu ni hinguro ya kuhingura.  Muromo wa muoyo tukinye iguru,  Kuu gwa ithe witu tukinye iguru.     4.  Nawe wahenirio ni miago ya thi,  Matu-ini niukona wi mundu mukia.  Tukiheo igai ria ikeno ciitu,  Na tanji ya muoyo twiriragiria     5.  Roho ekwira mundu wa mathangania  Mutino ni mundu wa ngoro igiri.  Tondu ngoro yake ni itithangagia,  Gutonya ikenero ni kuri hinya.     6.  Nguuga ngoro yakwa ina gikeno,  Mwago wa matu-ini nitukawona.  Twahingia guthera ta irikaniro ...

  TUTURAGIA KIRIGIRIRO   1.  Tuturagia kirigiriro.  Thi-ino twetereire kwambata.  Riu tuhana ta athukumi  Mweri wathira tukainuka     Ukirai narua na ihenya  Nututige kugonderera  Marua maitu ni makinyu,  Magutonya kihikanio-ini     2.  Toro wa ithayo niukonanio  Muhikania akamera na ma  Maritwa manyu ti mandike,  Magutonya kihikanio-ini.     3.  Kihikanio ni ngerekano.  Ni ruri rwa gutuonereria.  Kihikanio gia Gaturume,  Gikirie gukinya tuinuke.     4.  Ukirai narua na ihenya  Bendera irungii mbere iitu.  Na mugambo wa muhikania.  Uroiga hingo ikirie gukinya. (Amina)

  MWATHANI NIATHUIRE NGORO CIA MWIGATHO  1.  Mwathani niathuire ngoro cia mwigatho;  Na andu aria menenehagia,  Niakamanyihia othe.     2.  Shaitani egatha, maithoi-ini ma Ngai,  Ngai aheire Mikaeli,  Hinya akimuingata.    3.  Hamani ni ambirwo,  Na njibe egatha;  Oiga ni aturirio maru,  Ni moridekai     4.  Munene wa Babuloni,  Egatha we mwene;  Niatunyirwo Roho wa andu,  Akihana nyamu.    5.  Tondu wa mwigatho,  Wa muthamaki ucio;  Erirwo arie nyeki miaka,  Mugwanja ta ndegwa.     6.  Riria mufarisai,  Egathiire Ngai;  Nienyararithirie muno,  Na agituo mwihia.     7.  Herode aikarira,  Giti akienda agathwo;  Muraika ni amuragire,  Na nyamu ta igunyu     8.  Jehova we wiki,  Nowe wa kugathwo;  Na athaithaguo ni andu othe,  Tondu ni muhoti.  (Amina)

  CIUGO IRIA JESU ARIRIE TENE   1.  Ciugo iria Jesu aririe tene  Ni ciandikiruo;  Na hatiri kimwe gia tuhu,  Mwimenyerere.   Mwimenyerere, mwimenyerere ngoro,  Itikanakoruo ititikithitio,  Maundu ma thi.     2.  Akristiano aingi ni morite,  Ni kuria na kunyua;  Na inyui aria angi mutigarite;  Mwimenyerere.     3.  Aisraeli ni meriruo,  Ni Jehova Ngai wa maithe;  Ati ni makoima Misiri,  Memenyerere.     4.  Arutwo moririe Mwathani,  Niri ugacoka?  Akimera Memenyerere  Agoka ta muici.     5.  Mwathani niathire Arutwo ake,  Matwarire nduriri uhoro;  Moige Muhonokia niagoka;  Memenyerere.    6.  Riria Roho akarikia wira,  Niagatongoria matigari;  Ma ngoro iria ciimenyereire,  Itwaruo iguru.  (Amina)

  UHONOKIO TI KUNYITWO NDANYITIRWO   1.  Uhonokio-ini ti kunyitwo ndanyitirwo,  Ni nii mwene ndetwarire ndiendeire.     Niungirira? Aca ndingirira.  Niungirira? Aca ndingirira.  Tondu ni nii ndetwarire ndiendeire.    2.  Ndi kuraya na gukuhi nota kumwe  Njikaraga ndihariirie njetereire     3.  Rahuba aari mutumia wa maraya.  Akiririra Mwathani akimuohera     4.  Paul aari munyariri wa Kanitha  Akiririra Mwathani akihonoka.    5.  Arata akwa umburai mbere ýake  Mugatigwo mwetereire ni muhuthia.    6.  Uthiu-ini wa Jehova he githima,  Atwitaga tuuke tunyue tukarega.  (Amina)

  GIKENO KIA NGORO YA URIA   1.  Gikeno kia ngoro ya uria  Mutwe na makanitha  Niakenirwo iguru aringa  Tawa wa thi, akiuraga.   Nianenehirie ngoro  Iria ciatuire itari bata,  Na aria mari imuri cia thi  Othe akimatua nduma.     2.  Nake akigoca Jevoha  Ngoro iteguthagania,  Mwiri wake ugitheruka  Thakame ta githima.     3.  Nduriri ciothe niciiruo  Aria anyinyi na anene,  Roho niaikariire giti  Gia uthamaki atue ciira.     4.  Giti kiu gitionagwo  Ni maitho ma guku thi,  Ningi riria egutua ciira  Uugi wa thi ndungiigua.  (Amina)

  CUTHIRIRlA MUONE  1.  Cuthirira muone.  Ciana cia Israeli ciarutwo ukombo-ini  Niguo itwaruo Kanani.  Bururi uria weriiruo  Iburahimu na ruciaro rwake.     2.  Musa amatongoririe.  Na guoko kwa Jehova na wihoko muingi  Na Mari rugendo-ini.  Ngoro ciao ikiremwo  Ni kwihoka hinya wa Jehova    3.  Marakaria Jehova.  Maniniiruo weru-ini matiakinyire kuo:  No Toshua na Kalebu,  Njamba iria ciomiriirie ni kwihoka  Hinya wa Jehova.     4.  Na ithui nitwagiriirwo  Twihokage Mwathani turi rugendo-ini  Tondu Roho Mutheru.  Niwe mututongoria  Na mututeithia witu rugendo-ini     5.  Tungiaga kumwihoka,  Tugutahwo ni miago na ikeno cia thi-ino  Na mihianano ya thi.  Twarakaria Jehova tugateo  Tuikirio Shaitani.    6.  Nguga nama kwa ngoma,  Ni gukagia na kieha na maithori maingi  Tondu niruo rugai, ...

  HINDI YA KWAGIRIRA    1.  Hindi ya kwagirira,  Mundu muugi ni amenye uguo  No riu uri guku thi,  Utanakinya ciira-ini.    2.  Uikare wihariirie,  Ciiko-ini ona meciria.  O riu uri guku thi,  Utanakinya ciira-ini    3.  Hindi iyo ungigakorwo,  Na ngoro yagiriire.  Matu-ini ni ugakena,  Muthenya ucio wa ituiro.   (Amina)

  ONA NDONA THINA RUGENDO-INI RWAKWA   1.  Ona ndona thina rugendo-ini rwakwa,  Aciari na arata ndikaruma mundu.  Tigwoi na thayu ndorete matu-ini,  Minoga na thina ndakinya matu-ini no ngahuruka     2.  Kiambiriria kiega kia rugendo rwaku,  Wari nama ukiuga ndugatiga Jesu.  Na wacuthiriria thutha waku ukiona,  Miago ya guku thi na ikeno cia thi-ino  Ukiriganirwo.    3.  Rugendo-ini rwakwa rwa mathina maingi  Ngoro yakwa tiga kwirorera thina.  Aria meroreire makiurwo ni muoyo,  Ng’aragu na nyota na minoga miingi  Makoima naki?     4.  Hingo ya kugaya ikeno cia matu-ini,  No riu uri thi-ino wahota mbara-ini.  Na magerio maingi rugendo-ini ruru,  Niukagathiririo uhuruke giti-ini hamwe na Jesu.  (Amina)

  HINDI INO NI HINDI YA UTHINJIRI   1.  Hindi ino ni hindi ya uthinjiri,  Wa thakame theru ya uhoreri  Iria yaiyinire marakara,  Ne gituma Roho aikuruke thi.     2.  Muthinjiri riu e ithanduku-ini,  Ehumbite nguo ya ikunia.  Ena ruo rwa kirikaniro,  Kiria giatumire oke anyarirwo.     3.  Riria Jesu akeruo ni Ithe Ngai,  Ruo na maithori ni waigania.  Hindi ya uthamaki ni ya kinya,  Coke giti-ini giaku utue ciira.     4.  Giti kiu nikio kia mwihitwa,  Wehitirwo na utheru wa Ngai.  Matuku-ini maria ma Daudi,  Gikirwo gigatura ota riua.     5.  Guku thi guothe gugathingitha,  Ni uthamaki ucio wa Gaturume  Nduriri ciothe ikagia na kieha.  Iria ciumitio ngoro ni mehia.     6.  Ndahithire ni atigire oimbura,  Akiuga waganu ni ukaingiha.  Uiyure thi ta kiguu kia mai,  Wendani wage gwa Kuhuruka.  (Amina)

    ARAIKA A NGAI MARI MITUKI  1.  Araika a Ngai mari mituki,  Na mari kio muno,  Gutiri uhenenagia.    Tiga kuiyurwo ni marakara,  Thikiriria uhoro wega,  umenye kihoto haria kiri,  Kia uhoro ucio ukwaragia.     2.  Ni muraika wahitukiire,  Mucii kwa Iburahimu,  Akiira Sara ni akaheo,  Mwana ugwitwo Isaka.     3.  Ni muraika wamemendire,  Marigithathi mothe,  Muthenya na utuku na ndahuruke,  Bururi wa Misiri.     4.  Ni Muraika ugwitwo Jibiraeli,  Woimiriire Mariam,  Tondu urathi wari mukinyu  Muru wa Ngai aciaruo.   (Amina)

  JESU WAKWA NINGUGWITA   1.  Jesu wakwa ningugwita  Uuke ngoro-ini yakwa.  Ni gukorwo ndi rugendo  Rwa guka kuu iguru.     Haleluya, Haleluya, Haleluya, we Kristo  Haleluya, Haleluya, Haleluya, AMEN.    2.  Ni gukoruo wi muteithia  Wa aria meguthii iguru  Aria metegwitigira  Ona kundu gwi gikuu    3.  Jesu ni muteithia wakwa,  Matuku ndi guku thi.  Na nikio itangitithia  Rugendo-ini rwakwa.     4.  Giuke ngoro-ini yakwa  Uninire ng’aragu.  Ona nyota munene ma,  Uhe irio cia muoyo.   (Amina)

  HALELUYA JESU HALELUYA   1.  Haleluya, Jesu Haleluya, x3.  Tonya ngoro-ini yakwa.     2.  Tugie ngwataniro yakwa nawe x3  Na Roho Mutheru.    3.  Ucio uitiriirio ngoro-ini x2  Cia andu aria atheru ni Jehova  Ngai wa matu-ini.     4.  Ngwataniro ituike ya gutoria  Hinya wa Shaitani    5.  Niundu ndari hinya gwataniro-ini  Yaku na aria makwendete.    6.  Haleluya Jesu Muhonokia  Haleluya Jesu ni ngugwita  Uhumbe riri waku     7.  Nduike kionerereria Jesu wakwa  Gia ciiko ciaku Jesu     8.  Ndigatuike githuki gia kuhinga  Ngoro cia andu a guku thi.   (Amina)

  ROHO NI OIGAGA MUNO MUNO  1.  Roho ni oigaga o muno, muno matuku,  Maria magoka andu amwe magatigana;  Na uhoro wa gwitikia Ngai;  Makigua maroho maria mahenanagia,  Na morutani ma ndaimono.    2.  Tondu wa uhinga wa andu aria maragia,  Mathara namo meciria ma ngoro ciao  Acio othe riu matuire  Mari ahiu ta macinitwo na kigera,  Kiria kihiu muno makiria.     3.  Acio nio makanagia andu a thi yothe,  Uhiki wa kigongona kiria githeru;  Na makera andu a thi yothe,  Marega mathani maria Ngai aheire  Andu aria atheru kirima-ini.     4.  Mathani maria Jehova aheire Musa,  Na mathani maria Jesu aheire Atumwo  Metagwo muoyo tungatirai,  Jesu ni erire Caitani kiugo kia Ngai,  Nigituragia mundu muoyo.   (Amina)

  KIRINDI GIA THI YOTHE IGUAI   1.  Kirindi gia thi yothe iguai,  Roho wa Jehova niariirie,  Athinjiri na ngombo ciao.  Na athini na itonga.     Jehova githi ndari muoyo,  Uria wombire ngoro cianyu,  Na akiuga ahoyagwo ni andu othe  Roho niwe muira.    2.  Anabii na Atumwo a Jesu,  Acio othe nimatumburiire,  Ngai iria ituragwo na moko.  Ni andu itiri kiene.     3.  Ituragwo igekirwo ciiga,  Na moko na itingioya kindu,  Maguru iri namo ta mundu,  Na itiri undu ingiika.     4.  Na inyui othe aturi a mihianano  Mwamigoca mukoiga ihoywo,  Ngoro cianyu ikahana otayo,  Muthenya wa ciira.   (Amina)

  TONYERERAI ITURA RIERU   1.  Tonyererai itura rieru  Mucii mutheru wa wendani  Muiyuritwo ni uthingu na  Utheru wa ngoro.     2.  Hunjaniriai makanitha-ini,  Mumenyithie andu ndi hakuhi  Ngurugamiria ngwataniro  Na wagiriru wa ngoro.     3.  Kirorerei muturire,  Wa ngoro thingu cia wendani.  Ikirumirira ngwataniro  Na wagiriru wa Mwathani.    4.  Eheraniriai wara wothe,  Na hitho ciothe cia ngarari,  Wira ti wanyu,  Wi moko-ini ma Mwathani.     5.  Nindimuigite itura rieru,  Mucii mutheru wa wendani,  Mundu wothe niemenyerere,  Ngoro-ini yake kwaga utheru.     6.  Cokereriai ngoro ciothe,  Mumere wega ndi kiriga,  Kia wira wa tuhu,  Na mworotano rugendo-ini.     7.  Giai na uugi wa wendo,  Mweru wa ituura rieru.  Ria wira wa Roho,   Na wagiriru wa Mwathani.   (Amina)

  ARATA AKWA THERIAI NGORO  1.  Arata akwa theriai ngoro,  Muri thigari cia Jesu thi.  Mukenere Jesu Muhonokia.     2.  Mutigakome thi inirai Jesu,  Nduriri ciothe ikurane,  Ni munene Jesu mukuinira.     3.  Ota tiria Araika mamuinagira,  Na ngoro theru unene-ini.  Magikenera unene wa Ithe,    4.  Arata akwa muri marua,  Maria mambagwo njira-ini.  Makwanirira kihikanio.     5.  Anirirai njira-ini ciothe,  Mwire kirindi kihikanio  Gia Gaturume ki hakuhi,     6.    Mutikamakio ni anene a thi,  Ndi hamwe na inyui rugendo-ini.  Ngumuhe hinya muhotane.     7.  Ndiri na itheru ngiruta wira,  Wakwa guku thi ndihingagwo.  Kana ngatahwo ni anene a thi.     8.  Maitho makwa monaga thi yothe  Na matu makwa nota uguo.  Ngamenya wira ugithukio.  (Amina)

  PAULO NIERIRE KANITHA WA GALATIA   1.  Paulo nierire Kanitha wa Galatia,  Andu aria mendete Jesu nimambite miiri yao  Muti-ini iguru na meririria mayo.     2.  Merirwo mwakoruo mutongoragio ni Roho,  Thiagai oro uguo mwi thiritu imwe na Roho;  Mutekwigatha mukiugitanaga.     3.  Ariu a ithe witu nyui muitiriirio Roho  Cokagiririai aria angi na uhoreri mwinyihitie,  Caitani ni muugi ageragia andu othe.     4.  Teithaniai ari inyui o mundu na mundu uria ungi  Maundu maria mothe marimuhinyagiriria;  Muhingie watho uria Jesu amwathite.    5.  Mundu ona uriku angiciria ni mundu ma,  Na hatiri mundu uri ho ni kwihenia ehenagia;  Ucio ndari bata ni akuite ngoro.    6.  Mundu oro mundu niakuithitio murigo,  Ni Roho uria aitiriirio ni Jehova ngoro thi-ini  Na thakame theru ya Gaturume.   (Amina)

  RURIMI RWA MUTHAMAKI JESU   1.  Rurimi rwa Muthamaki, Jesu  Ni rwaririe ciugo ihana.  Mutego wa kugwatia nduriri  Iria iri thi-ino.   Ni oigire andu aria mari mbere  Magacoka thutha.  Nao athutha mathii mbere.     2.  Kwambiriirie Kaini na Habiri,  Kaini niwe wa mbere,  Agicokio thutha wa Habiri,  Habiri agitwaruo mbere.    3.  Ningi Ishumeli na Isaka,  Ni Ishumaeli ni wa mbere  Agicokio thutha wa Isaka.  Isaka agitwaruo mbere.     4.  Ningi Esau mena Jakubu,  Esau niwe wa mbere.  Agicokio thutha wa Isaka.  Isaka agitwaruo mbere.     5.  Kirikaniro kiria kia mbere,  Giacokirio thutha kiehio,  Tukireherwo kingi kia Roho,  Gituonagie uhoro wama.  (Amina)

  MUTHENYA URIA NGACEMANIA NA GIKUU   1.  Muthenya uria ngacemania,  Na gikuu ndigetigira,  Twarikaniire na Jesu;  Ngagocithia riitwa riake.    Roho nianjitire  Ngiamuranio na thi,  Ndingigaruruka ngoro,  Nindehitire mwihitwa;  Ngiuga nyendete Mwathani.    2.  Magerio matihoragia,  Mwaki uria wa Roho wa ma,  No gwakana wakanaga;  Shaitani agaconorithio.     3.  Andu aria endi Ngai nama,  Wendo wao nduthiraga,  Caitani oiga amagerie  Monagiririo ni Roho.    4.  Ngai na Jesu na Roho,  Na Araika ni makenaga,  Riria mona ndacemania,  Na magerio ngomiriria.     5.  Jesu ni omiriirie muno,  Akiumburira thi yothe,  Mundu uria ukangana thi-ino,  Na nii ngamukana iguru.   (Amina)

    MUTIGAIKARE MWIRIGITWO   1.  Mutigaikare mwirigitwo,  Thiini wa ciiraniro njeru.  Iria mweriiruo ni Mwathani,  Na riu ni imukinyiriire  Nake Mwathani ari o hakuhi.     2.  Mutigakenjo ni uthamaki,  Kana utonga wa thi ni igathira.  Ari hakuhi ota muromo-ini,  Mwathani acoke na uthamaki,   Wa gutuura tene na tene.     3.  Maundu maya maroneka,  Nimakuhingia Ciiraniro,  Iria Ciiraniiruo ni Jesu,  Ngoro citu ni thagathage.  Kuinuka mucii wa matu-ini     4.  Rumagia ciiraniro,  Mugie na hinya wa irathimo,  Mwathani witu ari hakuhi  Mwikire kiyo mahoya-ini,  Na wega na utheru wa Ngoro    5.  Niuhetwo maitho cuuthiriria,  Umenye na ngoro,  Na ukurane uiyurwo ni gukiririria.  Mahinda maria wetereire,  Matikarehe githethuko.    6.  Riri ni ihinda ria kwirira,  Gutiri mwihia ukona Ngai. ...

  ARUTWO A JESU MOHANITIO OTHE   1.  Arutwo a Jesu mohanitio othe  Ni ngwataniro.  Na wendo othe  Mehokete ritwa ria Jesu.  Magitori thi-ino na ikeno ciayo.     2.  Aria othe nao mehokete Jesu  Nimagakena mahotana  Hamwe na Ithe witu mucii wa iguru  Magatura muoyo tene na tene.     3.  Muthinjiri mwega wa ngoro ciitu  Ari kigonona-ini kia matu-ini.  Etereire mehia ma kirindi,  Marutwo ukombo-ini mathii muoyo-ini     4.  Nduriri ciarurungana ciothe iguru  Niikamuranio ikundi igiri.  Aria othe athingu mathii muoyo-ini,  Nao aria othe oru mathii mwaki-ini.    5.  Mwathani etereire aria megutoria.  Mambate iguru makahuruke.  Mathina ma thi ino na mbara cia thi  Makahumbwo tanji cia uthamaki.   (Amina)

  NDUNGATA IRIA CIARUIIRE   1.  Ndungata iria ciaruiire  Uthingu na uhoro wa ma  Magithurwo ni andu othe riu ma iguru.    Njamba icio ciothe  Ni ciakuire irumitie  Uthingu na uhoro wa ma na witikio  Na umiriru waiyuire ngoro ciao  Riu me iguru     2.  Nio moimburire uira  Thii-iniwa nduriri ciothe  Niundu wa uguo makiuragwo riu me iguru     3.  Riria mageragio mehie, nikuohwo na kunyarirwo  Niguo monanirie uira na wihokeku    4.  Iburahimu ni muti  Uri kigunyi kia othe  Isaaka ona Jakubu ni honge ciaguo    5.  Moko ma Samueli Ngai  Niwe wamathambirie  Uthamaki waciarwo thi urathime     6.  Muthinjiri ucio mutheru  Niatiriirie Daudi  Maguta Roho ukiiyura Daudi ngoro     7.  Isaia na Jeremia  Ni atumwo a kwihokeka  Na Samweli na Elija na Ezekieli     8.  Joeli niatuirwo muira ...